ავიაკომპანია United აცხადებს, რომ ის თავის მგზავრებს, რომლებსაც ზედმეტად გაყიდული ბილეთების გამო ადგილის დათმობა და შესაბამისად, რეისის გამოტოვება მოუწევს, $10 ათასს გადაუხდის.

BBC-ის ინფორმაციით, ამერიკულმა ავიაკომპანიამ გადაწყვეტილება მას შემდეგ მიიღო, რაც თვის დასაწყისში, თვითმფრინავიდან მგზავრი ძალით გაიყვანეს.

დაზარალებულმა თვითმფრინავიდან ძალით გაყვანისას დაკარგა ორი კბილი, გაუტყდა ცხვირი და მიიღო ტვინის შერყევა.

შემთხვევამ საზოგადოება United Airline-ის მიმართ უარყოფითად განაწყო, განსაკუთრებით მას შემდეგ, რაც მგზავრის ძალით გაყვანის ვიდეო კადრები ინტერნეტში გავრცელდა. შემთხვევამ მნიშვნელოვნად დააზიანა ავიაკომპანიის რეპუტაცია.

არის შემთხვევები, როცა ამერიკული იმაზე მეტ ბილეთს ყიდიან რეისზე, ვიდრე თვითმფრინავში არსებული ადგილებია. ასეთ დროს მგზავრებს სთხოვენ, ნებაყოფლობით დაუთმონ სხვას ადგილი, თუ ამის მსურველი არავინ აღმოჩნდა, მაშინ შემთხვევითობის პრინციპით არჩევენ მგზავრებს, რომლებსაც თვითმფრინავს ატოვებინებენ.