ინდოეთში, გირის ეროვნულ ნაკრძალში მოსეირნე აზიური ლომი ძალიან შეაწუხა ვიღაც უზრდელმა და უტაქტო პიროვნებამ, რომელმაც რატომღაც გადაწყვიტა, რომ უფლება ჰქონდა ცხოველთა მეფეს უკან გაჰყოლოდა მისთვის ვიდეო გადაეღო.

როგორც ვიდეოში ჩანს, ლომი აბეზარ პაპარაცის არ იმჩნევს და დინჯად მიაბიჯებს. მაგრამ მძღოლი მას არა და არ ეშვება, რაც ლომის გაღიზიანებას იწვევს. ცხოველს რეაქციაც ისეთივე დინჯი აქვს, როგორც მოძრაობა, ის უბრალოდ შეუღრენს და კაცის რეაქციას არც ელოდება ისე აგრძელებს გზას.

აბეზარი მძღოლი შეშინებული წევს მანქანის ფანჯარას და მაშინვე თიშავს კამერას.