რობოტებისა და ადამიანების დაპირისპირება ახალ ეტაპზე გადადის. მართალია, ჯერ-ჯერობით ლაზერული და ბირთვული იარაღით არ ვებრძვით ერთმანეთს, მაგრამ კონფლიქტი უკვე წარმოქმნილია.

გასულ კვირას მაუნთინ ვიუში, იქ სადაც გუგლის მთავარი ოფისი მდებარეობს, მთვრალი კაცი დააკავეს, რომელმაც პარკინგზე, თავის კვადრატში მოძრავ პატრულ-რობოტს თავს დაესხა და ამოაყირავა. Knightscope K5 არ დაზიანებულა და მხოლოდ რამდენიმე უმნიშვნელო ნაკაწრით გამოძრვა, მაგრამ 41 წლის ჯეისონ სილვიანი მაინც დააკავეს. მას ბრალად საზოგადოებრივი წესრიგის დარღვევა ედება, რის გამოც ჯარიმის გადახდა მოუწევს.

რაც შეეხება Knightscope K5-ს, ის წამოაყენეს, მტვერი ჩამობერტყეს და პოსტზე დააბრუნეს.