დიდი შვიდეულის ქვეყნების ენერგეტიკის მინისტრები ვლადმერ პუტინის მოთხოვნაზე, "არამეგობრულმა ქვეყნებმა" გაზის საფასური რუბლებში გადაიხადონ, უარს ამბობენ. ამის შესახებ გამოცემა Reuters წერს.

"დიდი შვიდეულის ყველა მინისტრი შეთანხმდა, რომ ეს არის არსებული კონტრაქტების ცალმხრივი და აშკარა დარღვევა", — განაცხადა გერმანიის ეკონომიკისა და კლიმატის დაცვის მინისტრმა, რომერტ ჰაბეკმა მინისტრებთან კონფერენციის შემდეგ.

როგორც ჰაბეკი ამბობს, კომპანიებმა პატივი უნდა სცენ უკვე დადებულ კონტრაქტებს. "ჩვენ მოვუწოდებთ კომპანიებს არ შეასრულონ პუტინის მოთხოვნა", — განაცხადა მან.

მანამდე გერმანიის კანცლერი, ოლაფ შოლცი უარყოფდა რუსეთის მოთხოვნას, რის მიხედვითაც ევროკავშირის ქვეყნებმა, აშშ-მა და სხვა სახელმწიფოებმა რუსული გაზის საფასური რუბლებში უნდა გადაიხადონ. როგორც Politico წერს, შოლცის მტკიცებით, გაზის შესყიდვის ხელშეკრულებების უმეტესობა მოითხოვს ევროთი ან დოლარით გადახდას.