7 მარტს მთავრობის კანცელარიასთან გამართულ აქციაზე დაკავებული 4 აქტივისტი მარიამ გეგუჩაძის, თათია მელიქიშვილის, გვანცა პერტიას და ლიკა ლომიძე დააჯარიმეს. 3 მათგანი 2 200 ლარით, ერთი კი 2 000 ლარით.

სირცხვილიას ინფორმაციით, ისინი ადმინისტრაციული სისხლის სამართლის კოდექსის 166-ე და 173-ე მუხლებით დააჯარიმეს, რაც წვრილმან ხულიგნობასა და სამართალდამცავის მიმართ დაუმორჩილებლობას გულისხმობს.

იმავე აქციაზე დაკავებული კიდევ ერთი პირი ბაჩი ვალიშვილი 11 მარტს სასამართლომ 3 000 ლარით დააჯარიმა.

7 მარტს კანცელარიასთან აქციაზე რამდენიმე პირი ტუალეტის ქაღალდის სროლისა და ფქვილის შეყრის გამო დააკავეს. 8 მარტს დააკავეს მოძრაობა სირცხვილიას წევრი, შოთა დიღმელაშვილიც, რომელმაც მთავრობის ადმინისტრაციას კვერცხები ესროლა. დიღმელაშვილს სასამართლომ 4-დღიანი პატიმრობა მიუსაჯა.