უკრაინის თავდაცვის სამინისტროს მთავარი სადაზვერვო სამმართველოს მიერ გავრცელებულ ვიდეოში რუსი ოფიცერი უკრაინის ტერიტორიაზე მყოფ რუს ჯარისკაცებს მიმართავს და მოუწოდებს უკრაინის მხარეს იბრძოლონ.

ვიდეომიმართვაში პირი, რომელიც აცხადებს, რომ არის რუსი ოფიცერი და სახე დაფარული აქვს, ამბობს, რომ ის და მისი ჯგუფი 27 თებერვალს უკრაინის უსაფრთხოების სამსახურის დახმარებით გადავიდნენ უკრაინის მხარეს, რათა რეალურად დაიცვან ხალხი ფაშისტებისგან.

"თქვენ მოგმართავთ რუსი ოფიცერი. 24 თებერვალს, როგორც თქვენ, მე და ჩემი ჯგუფი შემოვედით დამოუკიდებელი უკრაინის ტერიტორიაზე, ვასრულებდით დიქტატორი პუტინის დანაშაულებრივ ბრძანებას. მივხვდი, რომ აქ აშკარად არ მოვსულვართ კარგი მიზნებით და ჩვენ აქ არავინ გველოდა ყვავილებით, როგორც განმათავისუფლებლებს, პირიქით, ჩვენ გვწყევლიდნენ და გვეძახდნენ ფაშისტებს.

მეგობარო სახმედროებო, დიქტატორი პუტინის ბრძანების შესრულბით ჩვენ დავუშვით საშინელი შეცდომა და თქვენმა უმეტესობამ ეს იცის. 27 თებერვალს უკრაინის უსაფრთხოების სამსახურის დახმარებით მე და ჩემი ჯგუფი გადმოვედით უკრაინის მხარეს, რათა რეალურად დავიცვათ ხალხი ფაშისტებისგან.

ჩვენ ისევ გვაქვს შესაძლელბობა, რომ შევაჩეროთ უკრაინის ტერიტორიაზე საშინელება, ჩვენ, ნამდვილ რუს მებრძოლებს. უკრაინის უმაღლესმა ხელმძღვანელობამ მოგვცა უფლება შექმნილიყო ქვედანაყოფი იმ ჯარისკაცებისგან, რომლებიც უკრაინის მხარეს გადავიდნენ. ჩვენ უკვე ვასრულებთ დავალებებს ჩვენს ძმა ბელარუსებთან და უკრაინელებთან ერთად.

ძმებო, მოგიწოდებთ გამოფხიზლდეთ, შემოდით ჩვენს რიგებში და შემოუერთდით რუსეთის თავისუფლების ლეგიონს. მხოლოდ ერთად შევძლებთ რუსეთის გადარჩენას დამცირებისა და განადგურებისგან. მხოლოდ ერთად გადავარჩენთ ჩვენს ხალხს", — ამბობს ის.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში