საქართველოს პარლამენტის თავმჯდომარე, ირაკლი კობახიძე საკონსტიტუციო ცვლილებების საკითხზე ეროვნული პლატფორმის წევრ ორგანიზაციებს ხვდება.

საქართველოს პარლამენტის თავმჯდომარემ შეხვედრის დაწყებისას განაცხადა, რომ საკონსტიტუციო კომისიის ერთ-ერთი ამოცანა კონსტიტუციის კონსტიტუციური სამართლის პრინციპებთან შესაბამისობა იყო, მეორე ამოცანა კი ქვეყნის გრძელვადიანი დემოკრატიული განვითარებისთვის საჭირო პრინციპების ჩამოყალიბება.

"ჩვენი ეს ორი ამოცანა, ვფიქრობთ, რომ არის შესრულებული," - აღნიშნა ირაკლი კობახიძემ.

საქართველოს საკონსტიტუციო კომისიამ კონსტიტუციის პროექტზე მუშაობა რამდენიმე დღის წინ დაამთავრა. საკონსტიტუციო კომისიაში კენჭისყრის მომენტისთვის მხოლოდ სახელისუფლებო პარტია და არასამთავრობო ორგანიზაციები იყვნენ დარჩენილები. არასამთავრობო ორგანიზაციებმა პროექტს მხარი არ დაუჭირეს.