ამერიკული კინოაკადემიის რიგით 94-ე დაჯილდოების ცერემონიაზე, რომელიც 27 მარტს გაიმართება, ბრუნოს ნამდვილად ახსენებენ. დისნეის ახალ სენსაციად ქცეული ანიმაციის, Encanto-ის, ყველაზე პოპულარული სიმღერა, ჩვენ არ ვახსენებთ ბრუნოს, ოსკარის წლევანდელ შოუზე ცოცხლად პირველად შესრულდება.

Encanto, რომელიც პრესტიჟული დაჯილდოების ცერემონიაზე საუკეთესი ანიმაციური ფილმის ნომინაციაშია წარდგენილი, გასულ წელს გამოვიდა და მსოფლიოში $250 მილიონის გამომუშავება შეძლო. ანიმაციაზე არანაკლებ პოპულარული ნაწარმოებში გამოყენებული ორიგინალური მუსიკალური კომპოზიციები გახდა, მათგან We Don't Talk About Bruno კი უპირობო ლიდერია. ამერიკულ ჩარტებში სიმღერა პირველ ადგილზეც აღმოჩნდა, თუმცა, ამის მიუხედავად, ის დისნეის ოსკარზე არ გაუგზავნია, შესაბამისად, ჩვენ არ ვახსენებთ ბრუნოს წლევანდელ ნომინანტებში არ გახლავთ.

სხვათა შორის, აღსანიშნავია ამბავია, რომ დისნეიმ Encanto-ის ქართულად გახმოვანებული სიმღერები Spotify-ზე გაავრცელა.

ბრუნოს ნაცვლად, ანიმაციიდან კინოაკადემიის წლევანდელ დაჯილდოებაზე პრიზის მოპოვებას ესპანურენოვანი ბალადა, Dos Oruguitas, ეცდება.

ოსკარის წლევანდელ ცერემონიას ემი შუმერი, რეჯინა ჰოლი და უანდა საიკსი გაუძღვებიან. დაჯილდოებაზე პატივს მიაგებენ ჯეიმს ბონდის და ნათლიის კლასიკად ქცეულ ფილმებს, რომელთაც წელს 50 წელი უსრულდებათ.

ასევე იხილეთ: