ამერიკულ-ქართული განათლების ცენტრის ორგანიზებით, ესპანურ IE University-სა და ფრანგულ უნივერსიტეტ Audencia Business School-თან თანამშრომლობით, 2022 წლის 2 აპრილს 12:00-დან 17:00 საათამდე სასტუმრო რედისონ ბლუ ივერიაში განათლების საერთაშორისო გამოფენა გაიმართება, რომელიც 13 ქვეყნიდან 15 უნივერსიტეტს უმასპინძლებს. დაინტერესებულ პირებს გამოფენაზე საშუალება ექნებათ, წარმოდგენილი უნივერსიტეტებისა და მათი პროგრამების შესახებ ამომწურავი ინფორმაცია მიიღონ. მათ შეეძლებათ პირადად გაესაუბრონ უნივერსიტეტების წარმომადგენლებს და დაუსვან მათთვის საინტერესო კითხვები. გამოფენაზე ასევე იქნებიან კონსულტანტები LEAF-დან, ამერიკულ-ქართული განათლების ცენტრიდან, რომელიც საქართველოში 150-ზე მეტი უნივერსიტეტისა და საგანმანათლებლო დაწესებულების წარმომადგენელია.

განათლების გამოფენაში მონაწილეობის მისაღებად უნდა გაიაროთ რეგისტრაცია შემდეგ ბმულზე: http://logos.edu.ge/leaf/

EU ბიზნეს სკოლა, წარსულში ცნობილი, როგორც ევროპის უნივერსიტეტი, შვეიცარული საგანმანათლებლო დაწესებულებაა, რომელიც ჟენევაში დაარსდა. უნივერსიტეტს კამპუსები აქვს კამპუსები მონტროში (შვეიცარია), ბარსელონასა (ესპანეთი) და მიუნხენშიც (გერმანია). უნივერსიტეტს ასევე აქვს დისტანციური (ონლაინ) სწავლების პროგრამები როგორც ბაკალავრიატის, ისე მაგისტრატურის საფეხურზე. სტუდენტი დიპლომს დისტანციური სწავლის შემთხვევაშიც იღებს

სწავლება ინგლისურ ენაზე მიმდინარეობს. უნივერსიტეტის ყველა პროგრამა ოთხივე კამპუსში ისწავლება, რაც ბაკალავრიატის სტუდენტებს 3 წლის მანძილზე ერთ უნივერსიტეტში სწავლის საშუალებას ოთხ სხვადასხვა ქვეყანაში აძლევს.

მაგისტრატურისა და MBA პროგრამის ხანგრძლივობა ერთი წელია. სწავლის დაწყება ოქტომბერში, იანვარში, ან მარტშია შესაძლებელი. ბაკალავრიატის შემთხვევაში, სწავლის ხანგრძლივობა 3 წელია, სწავლის დაწყება კი სტუდენტებს ოქტომბერში ან იანვარში შეუძლიათ. EU ბიზნეს სკოლას ასევე აქვს საბაზისო, ე.წ. Foundation კურსი მათთვის, ვისაც სადიპლომო პროგრამაზე სწავლის დაწყებამდე ინგლისურის ან სხვა პრაქტიკული ცოდნის გაღრმავება სურს.

უნივერსიტეტში შემოთავაზებული საბაკალავრო პროგრამებია:

● ბიზნეს ადმინისტრირება

● კომუნიკაცია და საზოგადოებასთან ურთიერთობა

● ტურიზმის მართვა

● საერთაშორისო ურთიერთობები

● სპორტის მართვა

● ციფრული ბიზნესი, დიზაინი და ინოვაცია

● ბიზნეს ფინანსები.

შემოთავაზებული სამაგისტრო პროგრამებია:

● მართვა

● მარკეტინგი

● ფინანსები

● ტურიზმის მართვა

● ციფრული ბიზნესი

● მოდის ბიზნესი

● ბიზნეს ანალიტიკა და მონაცემთა ანალიზი

ბაკალავრიატის საფეხურზე გერმანიასა და ესპანეთში სწავლის საფასური წელიწადში 12 900 ევროა, შვეიცარიაში — 27 600 შვეიცარული ფრანკი. რაც შეეხება მაგისტრატურას, ესპანეთსა და გერმანიაში სწავლის გადასახადი წელიწადში 13 800 ევროა, შვეიცარიაში კი — 28 800 შვეიცარული ფრანკი.

უნივერსიტეტში დიდი ყურადღება ექცევა თეორიული ცოდნის სტუდენტებისათვის გაზიარებას, მაგრამ ნებისმიერ პროგრამაში ხაზგასმულია სწავლის პრაქტიკული ასპექტიც. სტუდენტები ინდივიდუალურად და ჯგუფურად მუშაობენ რეალურ ბიზნეს ქეისებზე, დადიან სხვადასხვა კომპანიაში და ეცნობიან მათ საქმიანობას. მათი პროფესორები დასაქმებულები არიან სხვადასხვა ინდუსტრიაში და აქვთ შესაძლებლობა, დააკავშირონ თეორიული ცოდნა სამუშაო გამოცდილებასთან. ბიზნეს სამყაროში ინფორმაცია უნდა იყოს მუდმივად განახლებადი და გამოყენებადი.

ღონისძიებაზე გექნებათ შესაძლებლობა, პირადად შეხვდეთ უნივერსიტეტის წარმომადგენელს და გაესაუბროთ მას. განათლების საერთაშორისო გამოფენა სასტუმრო რედისონ ბლუ ივერიაში 2 აპრილს, შუა დღის 12 საათიდან საღამოს 5 საათამდე ჩატარდება. რეგისტრაციისთვის მიჰყევით ბმულს: http://logos.edu.ge/leaf/