Disney-ს მულტფილმების ხსენებაზე ადამიანთა უმეტესობას ბავშვობის სასიამოვნო მოგონებები ახსენდება და ალბათ, პატარებთან ერთადაც ამ ლამაზ ზღაპრებს ხშირად თავიდან უყურებს. ერთი შეხედვით, დისნეის სამყარო ლამაზი ისტორიებისა და პრინცესების სასიყვარულო თავგადასავლების შესახებ მოგვითხრობს, თუმცა კარგად ნაცნობ მულტფილმებს თუ სხვა თვალით შევხედავ, შეიძლება, სულ სხვა ამბები ამოიკითხო.

ამ სტატიაში ყველასთვის კარგად ნაცნობ დისნეის 10 მულტფილმს სხვა პერსპექტივიდან წარმოგიდგენთ და იმ ფაქტებს განვიხილავთ, რომლებიც ზედმიწევნით კარგად გვახსოვს. სტატიის წაკითხვის შემდეგ კი დარწმუნდები, რომ ბევრი დეტალისთვის ყურადღება აქამდე არასდროს მიგიქცევია.

1. პატარა ქალთევზა

ფოტო: Disney

არიელს იმდენად უნდა პრინც ერიკთან სქესობრივი ურთიერთობა, რომ საკუთარ ოჯახს, მეგობრებსა და ხმასაც კი თმობს. ფილმის ბოლოს კი 16 წლის არიელი პრინცზე ქორწინდება.

2. მზეთუნახავი და ურჩხული

ფოტო: Disney

ბელს თავისი მოძალადე გამტაცებელი შეუყვარდა, რომელიც კარგი ადამიანი მას შემდეგ გახდა, რაც სიყვარულმა "შეცვალა".

3. ფიფქია და შვიდი ჯუჯა

ფოტო: Disney

ჯუჯების პრობლემური და საკამათო გამოსახულებების გარდა, მულტფილმის ბოლოს პრინცი უგონო ან სავარაუდოდ, მკვდარ ფიფქიას კოცნის. საუკეთესო შემთხვევაში, ეს უბრალოდ შემზარავი იქნებოდა, იმასაც თუ გავითვალისწინებთ, რომ ფიფქია მხოლოდ 14 წლისაა.

4. მძინარე მზეთუნახავი

ფოტო: Disney

კიდევ ერთი შემთხვევა, როცა კომაში მყოფ ადამიანს კოცნიან.

5. დამბო

ფოტო: Disney

პატარა სპილო დათრობამდე სვამს, რაც მინიმუმ უცნაური ამბავია.

6. ლილო და სტიჩი

ფოტო: Disney

ლილოსა და ნანის მშობლები ავიაკატასტროფაში იღუპებიან, შემდეგ კი ნანი ცდილობს, რომ ლილო მარტომ აღზარდოს. ამ დროს ბავშვთა დაცვის სერვისების აგენტებს ლილო მიჰყავთ. მულტფილმის მაყურებელი ბავშვებისთვის ორივე ამბავი საკმაოდ მძიმე აღსაქმელია.

7. სათამაშოების ისტორია 3

ფოტო: Pixar

ერთ სცენაში სათამაშოები სიკვდილის პირისპირ არიან. ისინი ერთმანეთს უყურებენ, ხელებს უჭერენ და ასე უახლოვდებიან ძალადობრივ და მტკივნეულ სიკვდილს.

8. მეფე ლომი

ფოტო: Disney

სკარი საკუთარ ძმას კლავს და შემდეგ ამაში სიმბას ადანაშაულებს. წესით, მულტფილმის პატარა მაყურებლებისთვის ეს სცენარი საკმაოდ ძალადობრივია.

9. კუზიანი ნოტრ დამიდან

ფოტო: Disney

ანიმაციის პირველ 10 წუთში ვხედავთ, რომ ფროლო კლავს ქალს და შემდეგ ბავშვის დახრჩობას ცდილობს. გარდა ამისა, ფროლო ესმერალდას დაწვას უპირებს, რადგან ქალს მასთან სექსი არ სურს.

10. ალადინი

ფოტო: Disney

15 წლის ჟასმინი იმ კაცზე ქორწინდება, რომელიც მას ატყუებს. არც ის სცენა დავივიწყოთ, როცა ჟასმინი ჯაფარის ცდუნებას ცდილობს, რათა ყურადღება გადაატანინოს.