პერვი კანალის რედაქტორმა, მარინა ოვსიანიკოვამ გუშინ პროპაგანდისტების ჩვეულებრივი დღის მყუდროება დაარღვია და სახელმწიფო მედიის, მთავარი საინფორმაციო გამოშვებისას ეთერში საპროტესტო ბანერით შევიდა. ოვსიანიკოვას მიერ ომის დაგმობას ბევრი აღფრთოვანებით შეხვდა. ასეულობით ადამიანი მას მადლობას უხდიდა გამბედაობისთვის. მათ შორის იყო უკრაინის პრეზიდენტიც.

"მადლობელი ვარ იმ რუსების, რომლებიც არ წყვეტენ სიმართლის გაჟღერების მცდელობებს. მათი, ვინც ებრძვის დეზინფორმაციას და სიმართლეს, რეალურ ფაქტებს ეუბნებიან მეგობრებს, ნათესავებსა და ახლობლებს. და მადლიერი ვარ, პირადად იმ გოგოსი, რომელიც პირველი არხის სტუდიაში ომის საწინააღმდეგო პლაკატით შევიდა.

მათი, ვისაც არ ეშინია პროტესტის გამოხატვა. სანამ თქვენი ქვეყანა საბოლოოდ დაიხურება მთელი მსოფლიოსგან და გადაიქცევა ძალიან დიდ ჩრდილოეთ კორეად, თქვენ უნდა იბრძოლოთ", — განაცხადა ზელენსკიმ ვიდეომიმართვაში.

ივანკოვას მადლიერები იყვნენ რუსეთშიც, ოღონდ საზოგადოების ის ნაწილი, რომელსაც "მეორე რუსეთის" სახელით ვიცნობთ. მის ფეისბუქგვერდზე რუსეთის მოქალაქეებიც წერდნენ, რომ ეს საქციელი დასაფასებელია, მეტიც რამდენიმე აქტივისტი ღამით, ივანკოვას დაკავების შემდეგ იზოლატორთანაც მივიდა მის მხარდასაჭერად.

თუმცა, როგორც მოსალოდნელი იყო, სულ სხვა პოზიცია აქვს კრემლს. პრესსპიკერმა, დმიტრი პესკოვმა ივანკოვას საქციელს ხულიგნობა უწოდა. მედუზას კითხვაზე, როგორ აფასებს კრემლი მომხდარს და მართლა ეუბნება თუ არა ხალხს პირველ არხი, რომელიც მთავრობის პოზიციას აჟღერებს, ტყუილს, პესკოვმა ასე უპასუხა:

"ასე არ არის. პირველი არხი ეს ნიშანია, ისევე, როგორც სხვა ჩვენი წამყვანი ტელევიზიები. ეს არის ხარისხის, დროულობის, ოპერატიულობისა და ობიექტური ინფორმაციის ნიშანი. რაც შეეხება ამ გოგოს, ნუ, ეს ხულიგნობაა. არხი და ვისაც ევალება, ამაში ეკრვევა. ეს არ არის ჩვენი დღის წესრიგის საკითხი".

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში