შინაგან საქმეთა სამინისტროს ცნობით, განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, ლანჩხუთში ერთი პირი დააკავეს.

უწყების მტკიცებით, სამართალდამცველებმა, დაკავებულის პირადი ჩხრეკისას, 168 აბი ნარკოტიკული საშუალება სუბოქსინი ამოიღეს, ხოლო მათივე განცხადებით, ნარკოლოგიური შემოწმების შედეგად დადგინდა, რომ დაკავებული ნარკოტიკის ზემოქმედების ქვეშ იმყოფებოდა.

გამოძიება საქართველოს სსკ-ის 260-ე მუხლის მე-6 ნაწილის ა ქვეპუნქტით მიმდინარეობს, რაც განსაკუთრებით დიდი ოდენობით ნარკოტიკული საშუალების უკანონო შეძენა-შენახვას გულისხმობს.