უკრაინის პრეზიდენტის ადმინისტრაციის ხელმძღვანელისა და მრჩევლის, მიხაილო პოდოლიაკის განცხადებით, მხოლოდ ერთადერთი შეკითხვა არსებობს: რამდენ ხანს უგულებელყოფს აშშ ომს და არ დახურავს უკრაინის თავზე ცას. ამის შესახებ ის Twitter-ზე წერს და ასე ეხმაურება საოკუპაციო ძალების მიერ ჟურნალისტის მკვლელობას.

"დღეს ირპენში რუსეთის ფედერაციის სამხედროებმა აშშ-ის მოქალაქე, ბრენტ ენტონი რენო, ჟურნალისტი მოკლეს. აქ არაფერია გასაკვირი რუსეთის ფედერაციის მიერ ომის წესების დარღვევაში. მხოლოდ ერთი შეკითხვა არსებობს: რამდენ ხანს უგულებელყოფს აშშ ომს, საკუთარი მოქალაქეების მკვლელობას და არ დახურავს უკრაინის თავზე ცას?", — წერს ის.

ირპენში ოკუპანტებმა ჟურნალისტი მოკლეს. ინფორმაცია კიევის პოლიციის უფროსმა, ანდრეი ნებიტოვმა და შინაგან საქმეთა მინისტრის მრჩეველმა ანტონ გერაშენკომ გაავრცელეს.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში