შაბათს ევროკავშირი რუსეთის წინააღმდეგ სანქციების ახალი პაკეტს აამოქმედებს. დოკუმენტი ჯერ არ გამოქვეყნებულა, თუმცა დეტალებზე ევროკომისიის პრეზიდენტმა ურსულა ფონ დერ ლაიენმა ისაუბრა.

ლაიენის განცხადებით, ევროკავშირი აკრძალავს ფოლადის იმპორტს რუსეთიდან და ფუფუნების პროდუქციის ექსპორტს მოსკოვში. მისივე თქმით, დარწმუნდებიან, რომ რუსეთი და მისი ელიტები ვერ გამოიყენებენ კრიპტოაქტივებს სანქციებისთვის გვერდის ასავლელად. როგორც ლაიენი ამბობს, ევროკავშირი შეადგენს აკრძალვებს რუსეთის ენერგეტიკულ სექტორშიც, რაც დაფარავს ყველა ინვესტიციას და ფინანსურ მომსახურებას ენერგიის მოპოვებისა და წარმოებისთვის.

"ხვალ მივიღებთ ზომების მეოთხე პაკეტს რუსეთის შემდგომი იზოლაციისა და რესურსების ამოწურვის მიზნით, რომელსაც ის იყენებს ამ ბარბაროსული ომის დასაფინანსებლად", — განაცხადა ევროკომისიის პრეზიდენტმა.

მისივე თქმით, მუშაობენ რათა რუსეთს შეუჩერდეს წევრობის უფლებება სხვადასხვა ინსტიტუტში, მათ შორის საერთაშორისო სავალუტო ფონდსა და მსოფლიო ბანკში.

”ჩვენ უზრუნველვყოფთ, რომ რუსეთმა ვერ მიიღოს დაფინანსება, სესხები ან სხვა რაიმე სარგებელი ამ ინსტიტუტებისგან", — თქვა ფონ დერ ლაიენმა.

ასევე, როგორც Reuters წერს, ევროკავშირი შეაჩერებს მოსკოვის პრივილეგირებულ სავაჭრო და ეკონომიკურ რეჟიმს, რუსეთის კრიპტოაქტივების გამოყენებას. სხვა დასავლელ მოკავშირეებთან, მათ შორის შეერთებულ შტატებთან ერთად, ევროკავშირი გააუქმებს რუსეთს "ყველაზე ფავორიტი ერის" სავაჭრო სტატუსს, რაც გაუხსნის ბლოკს კარებს, რომელიც კრძალავს ან აწესებს სადამსჯელო ტარიფებს რუსულ საქონელზე და რუსეთს ჩრდილოეთ კორეასა და ირანთან ტოლფასი გახდის.

ეს ზომები არის სანქციების მეოთხე ჯგუფი რუსეთის წინააღმდეგ, რომელიც კოორდინირებულია შეერთებულ შტატებთან და G7-ის სხვა მოკავშირეებთან ერთად.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში