ეკონომიკის მინისტრის მოადგილის განცხადებით, უკრაინაში რუსული არმის მიერ ინფრასტრუქტურაზე მიყენებული პირდაპირი ზარალი 120 მილიარდ დოლარს აღწევს. დენის კუდის ევროპეისკაია პრავდა ციტირებს.

მან აღნიშნა, რომ დეპარტამენტმა პირველივე დღიდან დაიწყო რუსული აგრესიის ზარალის გამოთვლა.

"ჩვენ გვაქვს ორი ძირითადი მიდგომა — ეს არის პირდაპირი ერთჯერადი დანაკარგები, რა დაჯდება ხიდების, გზების, ინფრასტრუქტურის, საავადმყოფოების, საბავშვო ბაღების, სკოლების აღდგენა, რომლებიც რუსეთმა გაანადგურა უკრაინაში", — განმარტავა კუდინმა და დაამატა, რომ: "მეორე მეთოდი არის მთლიანი შიდა პროდუქტის დანაკარგის ოდენობა", ანუ რამდენად დაეცემა უკრაინის ეკონომიკა აგრესიისგან.

"ჩვენ ვხედავთ, რომ ქალაქებში, სადაც პირდაპირი საომარი მოქმედებები მიმდინარეობს, ეკონომიკური აქტივობა შეჩერებულია 35%-ით, ბიზნესის 75%-მა შეწყვიტა მუშაობა. ნაწილი ევაკუირებულია, ნაწილი ელოდება საომარი მოქმედებების დასრულებას. უკრაინაში მუშაობს ყოველიმეორე ბიზნესი, ეს უკრაინის ეკონომიკის 50%-ის დანაკარგია", — თქვა მან.

როგორც გამოცემა წერს, უკრაინის აღმოსავლეთში მეტალურგიული ქარხნების უმრავლესობამ მუშაობა შეწყვიტა, რაც ნიშნავს ლითონების ექსპორტის შემცირებას, რასაც საექსპორტო სტრუქტურის მნიშვნელოვანი ნაწილი უკავია. რუსეთის მიერ საზღვაო გზების ბლოკადა კი თითქმის შეუძლებელს ხდის სიმინდის, ხორბლის, მზესუმზირის ზეთის ექსპორტს.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში