უკრაინის პრეზიდენტის, ვოლოდიმირ ზელენსკის განცხადებით, რუსეთმა უკრაინაში ომისთვის უნდა გადაიხადოს. მანვე ხაზგასმით აღნიშნა, რომ თუ ასე გაგრძელდა, მაშინ სანქციების პაკეტები საკმარისი არ იქნება.

"მე ველი, ჩვენ ამაზე ვმუშაობთ, უკვე დღეს ახალი გადაწყვეტილებები სანქციებზე ჩვენი პარტნიორებისგან. რუსეთმა უნდა გადაიხადოს ამ საშინელი ომისთვის, გადაიხადოს ყოველდღიურად", — ციტირებს პრეზიდენტს Unian.

ზელენსკიმ განაცხადა, რომ ღამით დამპყრობლებმა დაბომბეს ფეხსაცმლის ქარხანა, საცხოვრებელი კორპუსი და საბავშვო ბაღი დნეპრში.

"რისთვის? როგორ ემუქრებოდნენ ისინი რუსეთის სახელმწიფოს? მათ გაანადგურეს საცხოვრებელი კორპუსები სუმის რაიონის სოფლებში, განაგრძეს მარიუპოლისა და ხარკოვის მაცხოვრებლების წამება, რაკეტებს ესროდნენ ლუცკს, ივანო-ფრანკოვსკს", — აცხადებს ის.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში