უკრაინის პირველმა ლედიმ, ოლენა ზელენსკამ ღია წერილი გაავრცელა და საერთაშორისო თანამეგობრობას მოუწოდა, რომ დახურონ ცა უკრაინის თავზე. მისი თქმით, თუ მსოფლიო არ გააჩერებს პუტინს, რომელიც ბირთვული ომით იმუქრება, არსად აღარ იქნება მშვიდი ადგილი.

"უკრაინა იცავს საკუთარ თავს, დათმობა შეუძლებელია. ჩვენ გვჭირდება, რომ უკრაინის თავზე ცა დაიხუროს, მიწაზე ომს თავადაც გავუმკლავდებით. ომი უკრაინაში, ეს არაა ომი სადღაც იქ. ესაა ომი ევროპაში, არც ისე შორს ევროკავშირის საზღვრებიდან. უკრაინა იცავს ძალებს, რომლებიც ხვალ შეიძლებ, შეიჭრან თქვენ ქალაქებში, იმ გამართლებით, რომ გადაარჩინონ მშვიდობიანი მოქალაქეები. წინა კვირას მე და ჩემს ხალხს შეიძლება, ეს გადაჭარბებად მოგვჩვენებოდა, მაგრამ ეს რეალობაა, რომელშიც ვცხოვრობთ. ჩვენ არ ვიცით, რამდენად დითხანს გაგრძელდება ეს. თუ არ გავაჩერებთ პუტინს, რომელიც იმუქრება ბირთვული ომის დაწყებით, მსოფლიოში აღარ იქნება მსვიდობა", — ამბობს ის.

პირველი ლედის განცხადებით, რასაც არ უნდა ავრცელებდეს რუსული პროპაგანდა, ომში ბავშვები იღუპებიან, რაც მისი თქმით, ყველაზე ცუდი და დამანგრეველია.

"იმის მიუხედავად, თუ რა რა ინფორმაციას ავრცელებს რუსული პროპაგანდისტული გამოცემები, რომლებიც ამას სპეცოპერაციას უწოდებენ, სინამდვილეში ესაა უკრაინის მშვიდობიანი მოსახლეობის მასობრივი მკვლელობა. შეიძლება, ყველაზე ცუდი და დამანგრეველი ამ შემოჭრაში არის ბავშვების მსხვერპლი", — თქვა მან.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში