მარიუპოლში სროლას 18 თვის ბავშვი ემსხვერპლა. ინფორმაციას და ტრაგედიის ამსახველ მძიმე კადრებს CNN ავრცელებს.

გამოცემის ინფორმაციით, დაჭრილი ბავშვი კლინიკაში ოჯახის წევრებმა მიიყვანეს, ექიმებმა ყველაფერი სცადეს, მაგრამ მისი გადარჩენა ვერ შეძლეს.

ფოტო: Evgeniy Maloletka/AP Photo

ფოტო: Evgeniy Maloletka/AP Photo

უკრაინაში ომს უკვე არაერთი ბავშვის სიცოცხლე ემსხვერპლა. დღესვე გავრცელდა ინფორმაცია ბუჩაში 2 ბავშვის გარდაცვალებაზე. ექიმების განცხადებით, მათი მდგომარეობა რთული იყო რუსმა ოკუპანტებმა კი გადაყვანის საშუალება არ მისცეს.

დღეს, 5 მარტს მარიუპოლსა და ვოლხოვნაში ჰუმანიტარული დერეფნები გაიხსნა. თუმცა, მალევე უკრაინულმა მხარემ გაავრცელა ინფორმაცია, რომ რუსებმა შეთანხმება დაარღვიეს და ცეცხლი გახსნეს. ხანმოკლე ცეცხლის შეწყვეტის დროს, ვოლნოვახადან მხოლოდ 400 ადამიანი გაიყვანეს.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში