24 თებერვალს რუსეთი უკრაინაში შეიჭრა და სრულმასშტაბიანი ომი წამოიწყო. რუსეთის ქმედებები არაერთმა სახელმწიფომ, ორგანიზაციამ და ცნობილმა ადამიანმა დაგმო. მათ შორის ერთ-ერთი კი ჰარი პოტერის ავტორი ჯოან როულინგია.

ცოტა ხნის წინ ტვიტერზე უკრაინელმა ფანმა ჯოან როულინგს მიმართა: "ძვირფასო ჯოან როულინგ, რომელი შელოცვა გამოიყენა პროფესორმა მაკგონაგელმა ქანდაკებების მიერ სასახლის დასაცავად? ვფიქრობ, უკრაინაში გვჭირდება."

"ეს ის შემთხვევაა, როცა მინდა, ჯადოქრობა მართლა შემეძლოს, ჯულს", — უპასუხა როულინგმა მას.

აღსანიშნავია, რომ ცოტა ხნის წინ ჯოან როულინგმა ტვიტერის მეშვეობით სასწრაფო მიმართვა გაავრცელა უკრაინის ობოლ ბავშვთა თავშესაფარში დარჩენილთა დასახმარებლად. მისი საქველმოქმედო ორგანიზაცია, სახელად Lumos, უკრაინის ობოლ ბავშვთა დასახმარებლად საკვების, მედიკამენტებისა და ჰიგიენისთვის საჭირო ნივთებისთვის თანხას აგროვებს. გარდა ამისა, ორგანიზაცია სხვადასხვა გზას ეძებს, რათა ბავშვებს უკრაინის დატოვებაში დაეხმაროს.

ორგანიზაციის მიერ შეგროვებული თანხის ნაწილი რუსეთ-უკრაინის ომის შედეგად დაზარალებული ბავშვების ფსიქოლოგიურ დახმარებასაც ითვალისწინებს.

ამავე თემაზე:

ჯოან როულინგმა უკრაინის ბავშვთა სახლში ჩარჩენილთა დასახმარებლად საგანგებო მიმართვა გაავრცელა