საქართველოს საგარეო საქმეთა მინისტრი, დავით ზალკალიანი ევროკავშირის წევრობის კანდიდატის სტატუსის მინიჭებაზე განაცხადას ევროინტეგრაციის გზაზე გადადგმულ გაბედულ ნაბიჯს უწოდებს. ამის შესახებ ის Twitter-ზე წერს.

"მივესალმები საქართველოს მთავრობისა და მმართველი პარტიის გადაწყვეტილებას, ევროკავშირში გაწევრიანებასთან დაკავშირებით განაცხადის შეტანის შესახებ, რაც წარმოადგენს ევროინტეგრაციის გზაზე გადადგმულ გაბედულ ნაბიჯს", — თქვა მან.

საქართველო ევროკავშირის წევრობის კანდიდატის სტატუსის მისაღებად განაცხადს ხვალ წარადგენს. ამის შესახებ მმართველი გუნდის თავმჯდომარემ, ირაკლი კობახიძემ საგანგებო ბრიფინგზე თქვა და აღნიშნა, რომ განაცხადი უკვე მზადდება.