ბოლო გამოკითხვებით, უკრაინელების 86%-ს ევროკავშირში, ხოლო 76%-ს NATO-ში შესვლა სურს. სოციალოგიურმა ჯგუფმა გამოკითხვა პირველ მარტს ჩაატარა.

ომამდელ პერიოდთან შედარებით, ევროკავშირსა და NATO-ში გაწევრიანების მხარდაჭერის დონე 20%-მდე მეტით გაიზარდა. ასაკობრივი თვალსაზრისით, უკრაინის ევროკავშირსა და NATO-ში გაწევრიანებას ყველა კატეგორიაში თანაბარი მხარდაჭერა აქვს.

გამოკითხულთა 88%-ს მიაჩნია, რომ უკრაინა რუსეთის თავდასხმის მოგერიებას შეძლებს. 98% მხარს უჭერს უკრაინის შეიარაღებული ძალების საქმიანობას, 93% — პრეზიდენტ ზელენსკის, ხოლო 84% ადგილობრივი მერების ქმედებებს.

მნიშვნელოვანია ისიც, რომ უკრაინელი მოსახლეობის 80% მზადაა, ქვეყნის მთლიანობა იარაღით ხელში დაიცვას. ომამდელ პერიოდებთან შედარებით, ეს მაჩვენებელი მნიშვნელოვნად გაიზარდა, 2020 წელს ის 59%-ს შეადგენდა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში