ერთ-ერთი ყველაზე ცნობილი ამერიკული სატელევიზიო კომედიური შოუ, Saturday Night Live, ტრადიციული სკეტჩის ნაცვლად უკრაინისადმი მიძღვნილი სიმღერით გაიხსნა. სიმღერა, სახელწოდებით ლოცვა უკრაინისთვის ნიუ-იორკში დაფუძნებულმა უკრაინულმა დუმკას გუნდმა შეასრულა.

პერფორმანსი გუნდის წინ მდგარი მაგიდის ჩვენებით დამთავრდა, რომელზეც ანთებული სანთლებით უკრაინის დედაქალაქის სახელი იყო გამოსახული.

უკრაინის მხარდასაჭერად შესრულებული სიმღერა აღმოსავლეთ ევროპის ქვეყანაში ბოლო დროს განვითარებულ მოვლენებს ეხმიანებოდა. მას შემდეგ, რაც 24 თებერვალს რუსეთმა უკრაინის წინააღმდეგ სრულმასშტაბიანი ომი დაიწყო, შექმნილ სიტუაციას არაერთ ქვეყანაში გამოეხმაურნენ რუსეთის პოლიტიკის საპროტესტო აქციებითა და უკრაინის მხარდასაჭერი მსვლელობებით. მსგავსი სათქმელით გაავრცელა განცხადება არაერთმა ცნობილმა ადამიანმაც; ოსკაროსანი მსახიობი, შონ პენი კი, უკრაინაში რუსეთის აგრესიაზე დოკუმენტური ფილმის გადასაღებად ჩავიდა.

ასევე იხილეთ: