ცნობილი მწერალი და 99 ფრანკის ავტორი, ფრედერიკ ბეგბედერი, უკრაინის ომს ვიდეომიმართვით გამოეხმაურა და მოქალაქეებს მხარდაჭერა გამოუცხადა.

"ძვირფასო უკრაინელებო, სამი დღის წინ ზელენსკი კლოუნი მეგონა, ახლა კი ვიცი, რომ მას ყველაზე დიდი კვერცხები აქვს სამყაროში. ვლადიმერ პუტინი არა მხოლოდ ძუკნაა, არამედ ის შეშინებული და სასაცილოა, მას ძალიან, ძალიან პატარა პენისი აქვს. მრცხვენია ჩემი მთავრობის, ჩემი მშიშარა ქვეყნის, რომელიც სასწრაფოდ არ დაგეხმარათ, სასწრაფოდ! ძალიან მრცხვენია და ვფიქრობ, ყველა დასავლური მთავრობა მაქსიმალურად სწრაფად, ამავე ღამეს, უნდა დაგეხმაროთ. მინდა, ყველა ჩემს უკრაინელ მეგობარს ვუთხრა: მიყვარხართ, თქვენ მამაცი ხალხი ხართ და იმსახურებთ თავისუფლებას, იმიტომ, რომ ევროპელები ხართ. ჩემი ნება რომ იყოს, ნატოში მიგიღებდით, თქვენ ჩვენი ძმები ხართ! ასევე მინდა, ჩემს რუს მკითხველებსა და მეგობრებს მივმართო: იმოქმედეთ, თქვით რასაც გრძნობთ, უარი თქვით ამ სულელ დიქტატორზე, შეაჩერეთ ის. ჩუმად აღარ უნდა იყოთ, თქვენ არ გაქვთ ამის უფლება, შეაჩერეთ ეს უაზრო, სულელური ომი", — ამბობს ბეგბედერი.

უკრაინაში რუსეთის შეჭრას უკვე არაერთი ცნობილი მწერალი გამოეხმაურა. "უმეტესობა ჩვენგანმა ბავშვობაში, სათამაშო მოედანზე, ერთი რამ ვისწავლეთ: განზე არ უნდა დადგე, როცა დიდი ტიპი პატარას სცემს. შეიძლება მის შესაჩერებლად ერთი-ორი მუშტიც დაგჭირდეს, მაგრამ ეს გამართლებულია", — წერს სტივენ კინგი.

"ეს მტაცებლური, ძმათამკვლელი ომია, რომელიც შეშლილმა ტირანმა წამოიწყო და რომელსაც გამართლება არ აქვს. სირცხვილი. გვაპატიე, უკრაინა", — ამბობს დმიტრი გლუხოვსკი.

ასევე იხილეთ: