უკრაინამ დაიბრუნა გველების კუნძული, რომლის დასაკავებლადაც გუშინ, 24 თებერვალს რუსებმა 13 უკრაინელი ჯარისკაცი მოკლეს. ინფორმაციას ამის შესახებ, უკრაინის შინაგან საქმეთა სამინისტრო ავრცელებს.

უკრაინული გამოცემის ცნობით, მესაზღვრეები შავ ზღვაში უკრაინის საზღვრის დაცვას განაგრძობენ.

გუშინ, 24 თებერვალს გავრცელდა ინფორმაცია, რომ გველების კუნძულზე, რომელსაც რუსები დღის განმავლობაში ბომბავდნენ, 13 უკრაინელი სამხედრო დაიღუპა. უკრაინსკაია პრავდამ გაავრცელა აუდიოჩანაწერი, რომელშიც ისმის, რომ რუსული სამხედრო გემი მათ დანებებას ურჩევს, პასუხად კი რუსულენოვან გინებას იღებს.

პრეზიდენტმა, ვოლოდიმირ ზელენსკიმ კი განაცხადა, რომ ჯარისკაცები გმირულად დაიღუპნენ და მათ გმირის წოდება მიანიჭა.