ბრიტანეთის პრემიერმინისტრის, ბორის ჯონსონის განცხადებით, ის რუსეთის პრეზიდენტს, ვლადიმერ პუტინს ესაუბრა და უკრაინის საზღვართან რუსეთის მტრული ქმედებების შესახებ ესაუბრა. მისი თქმით, უკრაინის ტერიტორიაზე რუსეთის ნებისმიერი თავდასხმა ტრაგიკული გათვლა იქნება.

"მე ვესაუბრე პრეზიდენტ პუტინს დღეს შუადღისას, რათა გამომეხატა ჩემი ღრმა შეშფოთება რუსეთის მტრული ქმედებების გამო უკრაინის საზღვართან. ნებისმიერი შემდგომი თავდასხმა უკრაინის ტერიტორიაზე ტრაგიკული შეცდომა იქნება. წინსვლის ერთადერთი გზაა დიალოგი და დიპლომატია", — წერს ჯონსონი ფეისბუქგვერდზე.

უკრაინის საზღვრებთან სიტუაცია უფრო და უფრო იძაბება. 26 იანვარს რუსეთმა ბელარუსში სამხედრო ძალები განათავსა, რითიც უკრაინის ჩრდილოეთით შეიქმნა ახალი სავარაუდო ფრონტი თავდასხმისთვის. ამის ფონზე რუსეთი ამტკიცებს, რომ უკრაინაში შეჭრას არ გეგმავს, ამავდროულად კი დასავლეთი მკაცრი ეკონომიკური სანქციებით იმუქრება. ბოლო ინფორმაციით, რუსეთს უკრაინის საზღვრებთან 100 ათასამდე სამხედრო ჰყავს მობილიზებული.

გაიგე მეტი: