ბიზნესმენი ლეონიდ ჩერნოვეცკი წიგნს გამოსცემს, რომელსაც მილიარდელის, პოლიტიკოსისა და ქველმოქმედის საოცარი ისტორია ჰქვია.

ფოტო: ლეონიდ ჩერნოვეცკი / Facebook

როგორც ჩერნოვეცკი ფეისბუკზე წერს, ის მრავალი წლის განმავლობაში აპირებდა წიგნის დაწერას, მაგრამ ამის დრო აქამდე არ ჰქონდა.

"ჩემს წიგნს ისტორიულობაზე არავითარი პრეტენზია არ გააჩნია! ეს უბრალოდ მონაყოლია, იმაზე, თუ რა და როგორ იყო... როგორ გაიზარდა ჩვეულებრივი უპატრონო ბიჭისგან წარმატებული ბანკირი და პოლიტიკოსი, მაგრამ უმთავრესი ჩემს წიგნში მაინც იმ ხალხის კეთილშობილებაა, რომლებსაც ჩემი ცხოვრების გზაზე შევხვედრივარ, მათ ანგელოზებს დედამიწაზე ვუწოდებ" - წერს ბიზნესმენი.

ბიზნესმენის თქმით, მისი წიგნი მალე გამოვა, თუმცა წიგნის, საოცარი ისტორიის, რუსული ვერსია ონლაინ უკვე ხელმისაწვდომია.