"პრეზიდენტი გარკვეული ტენდენციურობით გამოირჩევა პოლიტიკურ პროცესში, რაც არ შეესაბამება მის კონსტიტუციურ როლს", - ამის შესახებ, პარლამენტის თავმჯდომარემ, ირაკლი კობახიძემ ინგა გრიგოლიას გადაცემა რეაქციაში ისაუბრა. მისივე თქმით, იკვეთება კავშირი პრეზიდენტსა და შესაბამის პოლიტიკურ სუბიექტებს შორის:

"პრეზიდენტი უნდა იყოს ზეპარტიული ნეიტრალური არბიტრი. პოლიტიკური სისტემის ორ ბანაკად ხელოვნურად გაყოფის ნიშნები აშკარად შეიმჩნევა პრეზიდენტის საქმიანობაში. მეორე ბანაკში მთავარ ძალად მოიაზრება ის სუბიექტი, რომელსაც აქვს საკუთარი მედიარესურსი, სხვა ოპოზიციურ ძალებს შორის, მეტი ფინანსური რესურსი და ეს არის რა თქმა უნდა ნაციონალური მოძრაობა. პრეზიდენტი ცდილობს რაღაცნაირად თვითონ წარმართოს ის პროცესები, რომელიც დაკავშირებულია ამ მეორე ფრთის კონსოლიდაციასთან."