ნოვაკ ჯოკოვიჩი აქციების მფლობელია დანიის ბიოტექნოლოგიურ ფირმაში, რომელიც Covid-19-ის წინააღმდეგ წამლის შექმნას ისახავს მიზნად, რათა ვაქცინაცია საჭირო აღარ იყოს.

შეგახსენებთ, რომ მსოფლიოს ნომერ პირველი ჩოგანი ამ კვირაში ავსტრალიიდან დაადეპორტეს, რადგან მთავრობამ მისი ვიზა აუცრელობის გამო გააუქმა.

ნოვაკ ჯოკოვიჩმა დანიური კომპანიის აქციები 2020 წლის ნოემბერში შეიძინა. კომპანიის აღმასრულებელმა დირექტორმა დაადასტურა ჯოკოვიჩის ინვესტიცია და განაცხადა, რომ მართალია, მასთან ნოემბრის შემდეგ აღარ უსაუბრია, თუმცა ჩოგბურთელი "ანტივაქსერი ნამდვილად არ არის".

ფოტო: Getty Images

ჯოკოვიჩის ფირმას, სახელად QuantBioRes, 11 მკვლევარი ჰყავს, რომლებიც Covid-19-ის მკურნალობაზე მუშაობენ და არა ვაქცინის შექმნაზე. როგორც კომპანიის ვებგვერდზეა ნათქვამი, მათი მიზანი Covid-19-ის "დეაქტივაციის მექანიზმის" შემუშავებაა.

ნოვაკ ჯოკოვიჩმა საფრანგეთის ღია პირველობის ჩემპიონატში, რომელიც მაისში ჩატარდება, მონაწილეობა შეიძლება ვერ მიიღოს, რადგან ადგილობრივმა მთავრობამ გასულ ორშაბათს მოითხოვა, რომ ღონისძიებებში ჩართული ყველა სპორტსმენი აცრილი იყოს.

ასევე იხილეთ: