ამერიკის შეერთებული შტატების პრეზიდენტის, დონალდ ტრამპის გადაწყვეტილებაზე, სირიის მთავრობის სამხედრო საჰაერო ბაზის დაბომბვის შესახებ, გავლენა მისმა შვილმა და მრჩეველმა, ივანკა ტრამპმა იქონია. ამის შესახებ პრეზიდენტის 33 წლის შვილი, ერიკ ტრამპი ტელეგრაფთან აცხადებს.

ის დასძენს, რომ ივანკა გულგატეხილი და განრისხებული იყო, მას შემდეგ, რაც სირიაში უდანაშაულო ადამიანების მიმართ სავარაუდოდ ქიმიური იარაღი გამოიყენეს. ამის შემდეგ, ამერიკამ სირიაზე პირველი ავიაიერიში მიიტანა.

"ივანკა თავადაც სამი შვილის დედაა და მას გავლენა აქვს. დარწმუნებული ვარ მან უთხრა [დონალდ ტრამპს], რომ ეს საშინელებაა და მამაჩემი ასეთ დროს ასე მოიიქცა" - თქვა ერიკ ტრამპმა ბრიტანულ გამოცემასთან თავის დაზე საუბრის დროს.

ივანკა ტრამპი 2 კვირაა, რაც თეთრ სახლში დასაქმდა. ის მამამისის, დონალდ ტრამპის, მრჩევლად ანაზღაურების გარეშე მუშაობს.