მარჯანიშვილის თეატრის განცხადებით, ლევან წულაძეს სამხატვრო ხელმძღვანელის პოზიციაზე ხელშაკრულებით განსაზღვრული 4-წლიანი ვადა ამოეწურა, თუმცა როგორც აქამდე, ახლაც მიიღებს კონკურსში მონაწილეობას.

"თეატრის სამხატვრო ხელმძღვანელის პოზიციაზე გამოცხადდება კონკურსი. ასეთი კონკურსი ტარდება 4 წელიწადში ერთხელ. ლევან წულაძეს მიღებული აქვს მონაწილეობა კონკურსებში აქამდე რამდენიმეჯერ. ასეთივე კონკურსია გამოცხადებული საქართველოს თითქმის ყველა თეატრში. ჭოლა, როგორც აქამდე, ახლაც მიიღებს მონაწილეობას კონკურსში", — ვკითხულობთ განცხადებაში.

გუშინ, 13 იანვარს კულტურის მინისტრმა, თეა წულუკიანმა განაცხადა, რეჟისორი, ლევან წულაძე მარჯანიშვილის თეატრის სამხატვრო ხელმძღვანელის თანამდებობიდან არ გათავისუფლებულა და მას, ისევე, როგორც სხვებს, უბრალოდ "ვადა გაუვიდა". წულუკიანმა განმარტა, რომ ამ პოზიციაზე შესარჩევად საკონკურსო პროცედურები მიმდინარეობს და თუ წულაძე განაცხადს შეიტანს, განიხილავენ.