პრეზიდენტი სალომე ზურაბიშვილი NATO-ს გენერალური მდივნის, იენს სტოლტენბერგის დღევანდელ განცხადებას მნიშვნელოვანს უწოდებს და აღნიშნავს, რომ საქართველოს შეუძლია საკუთარ პარტნიორებს დაეყრდნოს. ამის შესახებ მან Twitter-ზე დაწერა.

"დღეს მნიშვნელოვანი განცხადება მოვისმინეთ იენს სტოლტენბერგისგან. ამ რთულ გეოპოლიტიკურ ვითარებაში, ვხედავთ, რომ საქართველოს შეუძლია დაეყრდნოს
ჩვენი პარტნიორების მხარდაჭერას ქვეყნის სუვერენიტეტისა და ტერიტორიული მთლიანობის მიმართ", — წერს ის.

დღეს NATO-ს გენერალურმა მდივანმა, იენს სტოლტენბერგმა განაცხადა, რომ დღევანდელ შეხვედრაზე ალიანსის წევრებმა რუსეთს საქართველოდან, უკრაინიდან და მოლდოვადან ჯარების გაყვანისკენ მოუწოდეს. მისი თქმით, ქვეყნების საზღვრების პატივისცემა ფუნდამენტური პრინციპებია.