სემეკის წევრის, გიორგი ფანგანის განცხადებით, ყველა ის მომხმარებელი, რომელმაც მიიღო ორი ქვითარი წლის ბოლოს და წლის დასაწყისში, თუ ვერ ან არ გადაიხდიან შესაბამის საფასურს, ქსელიდან არ გაითიშებიან, ანუ ექნებათ საშუალება, რომ ელექტროენერგიისა და სასმელი წყლის საფასური თვის ბოლოს გადაიხადონ.

"ელექტროენერგიის და სასმელი წყლის გადასახადები საქართველოში არ გაზრდილა, იგივე ტარიფები მოქმედებს, ყველაფერი არის იგივე, ერთადერთი შეიცვალა აღრიცხვიანობის სისტემა. ახალი სისტემა რომ შესულიყო ძალაში, ზოგიერთმა ჩვენმა მოქალაქემ მიიღო ორი ქვითარი, თუმცა არ შეცვლილა არც იქ გადასახადის ოდენობა, ერთ ქვითარში რაც უნდა ყოფილიყო, ის გაიყო ორად. მიუხედავად ამისა, გარკვეული შეშფოთებები გამოითქვა, ამიტომ დღეს ჩვენ მივიღეთ გადაწყვეტილება კომპანია თელმიკოსთან და GWP-სთან ერთად, რომ ყველა ის მომხმარებელი. ვინც მიიღო ორი ქვითარი, წლის ბოლოს და წლის დასაწყისში, თუ ვერ გადაიხდიან ან არ გადაიხდიან შესაბამის საფასურს, არ გაითიშებიან ქსელიდან, ანუ მათ ექნებათ იმის საშუალება, რომ ჩვეულებრივად, როგორც აქამდე, თვის ბოლოს გადაიხადონ", — განაცხადა მან.

მოსახლეობის გარკვეულმა ნაწილმა თელმიკოსა და GWP-სგან გადასახადის ორი ქვითარი მიიღო, რაც როგორც თელმიკო განმარტავს, მრიცხველის წაკითხვის ერთიან სისტემაზე გადასვლას უკავშირდება.