ცენტრ ემპათიას ხელმძღვანელი, მარიამ ჯიშკარიანი ექსპრეზიდენტ მიხეილ სააკაშვილს მოუწოდებს, მისი ჯანმრთელობისთვის საზიანო ზომებს არ მიმართოს.

"კატეგორიულად მოვუწოდებ ბატონ მიხეილ სააკაშვილს, მისი ჯანმრთელობისათვის საზიანო ზომებს არ მიმართოს, ვინაიდან გამოსავალი ყოველთვის იქნება ნაპოვნი და გამოსავალმა არ უნდა გაიაროს ადამიანის ჯანმრთელობაზე, შესაბამისად, რა თქმა უნდა, კიდევ ერთხელ მოვუწოდებ პენიტენციურ სამსახურს, დროზე მოეგოს გონს და დაუშვას ექსპერტები", — ამბობს ჯიშკარიანი.

მიხეილ სააკაშვილის ადვოკატის, შოთა თუთბერიძის განცხადებით, ექსპრეზიდენტი ადვოკატებთან კომუნიკაციის კონფიდენციალურობასა და ექიმების დაშვებას ითხოვს. ადვოკატის ცნობით, თუ 6 იანვრამდე ამ პრობლემებს არ აღმოფხვრიან, სააკაშვილი პროტესტის უკიდურეს ფორმას მიმართავს, თუმცა არ დაუკონკრეტებია — რას.