როგორც ჰარი პოტერის ფილმების ერთგულ გულშემატკივრებს კარგად მოეხსენებათ, ცოტა ხნის წინ გამოვიდა საიუბილეო გადაცემა ჰოგვორტსში დაბრუნება, რომლისთვისაც ყველასათვის საყვარელმა მსახიობებმა ერთად მოიყარეს თავი.

რამდენადაც სენტიმენტალური, ნოსტალგიური და ემოციური გამოდგა მთელი გადაცემა, იმდენად ქაოსური იყო: ჯერ მაყურებლებმა ის შენიშნეს, რომ გადაცემაში ემა უოტსონის ბავშვობის ფოტოს ნაცვლად შეცდომით მსახიობ ემა რობერტსის ფოტო გამოიყენეს. მოგვიანებით კი გაირკვა, რომ ტყუპი უიზლების როლის შემსრულებელი მსახიობების, ოლივერ და ჯეიმს ფელპსების, სახელებიც აერიათ.

ამასთან დაკავშირებით ფოტო ტყუპებიდან ერთ-ერთმა, ოლივერ ფელპსმა, ინსტაგრამზე გამოაქვეყნა: გადაცემის კადრში ჩანს, რომ ტყუპი მსახიობების სახელები არასწორადაა მითითებული.

"როგორც ჩანს, ჩვენი ამდენწლიანი ოინბაზობის გამო ვიღაცამ შურისძიება გადაწყვიტა", — წერს ის.

ამ ამბავს განსაკუთრებულ ხიბლს მატებს ისიც, რომ ფოტოზე დრაკო მალფოის როლის შემსრულებელმა, ტომ ფელტონმა დააკომენტარა:

"ეს მე ვიყავი", — დაწერა მანდ და გველის ემოჯი, სლიზერინის სიმბოლო, გამოიყენა.

ასევე იხილეთ: