თურმე ხანდახან ჯადოქრულ სამყაროშიც მოსდით შეცდომები...

ცოტა ხნის წინ გამოვიდა ჰარი პოტერის საიუბილეო გადაცემა ჰოგვორტსში დაბრუნება, რომელმაც მილიონობით ფანს საახალწლოდ გული აუჩუყა: ლამის ყველა საყვარელი მსახიობი კვლავ ერთად ვიხილეთ.

თუმცა ვიღაცებმა აწყლიანებული თვალებითაც შეძლეს, რომ უჩვეულო დეტალები შეენიშნათ.

ერთმა მაყურებელმა აღმოაჩინა, რომ გადაცემაში შეცდომით ემა უოტსონის ბავშვობის ფოტოს ნაცვლად მსახიობ ემა რობერტსის ფოტო გამოიყენეს. ემა უოტსონი ჰარი პოტერის ფილმების სერიაში ჰერმიონის როლს ასრულებს, ემა რობერტს კი ამ სამყაროსთან კავშირი არ აქვს და მას ისეთ სერიალებში შესრულებული როლებით უფრო ვიცნობთ, როგორებიცაა American Horror Story და Scream Queens.

ფანმა ტვიტერზე გამოაქვეყნა მტკიცებულებები, სადაც კარგად ჩანს კადრი ჰარი პოტერის საიუბილეო გადაცემიდან და ფოტო ემა რობერტსის ინსტაგრამის პირადი ანგარიშიდან:

ვისაც ეს შეცდომა მოუვიდა, ალბათ, ბევრი კარგად გავუგებთ, რადგან ხანდახან მართლა რთულია, შემთხვევით არ აურიო ერთმანეთში ჰოლივუდის ისეთი ცნობილი სახეები, როგორებიც ემა უოტსონი, ემა რობერტსი თუ ემა სტოუნი არიან. ან სულაც კრის პრატი, კრის ჰემსვორტი, კრის ევანსი...

ასევე იხილეთ: