სახალხო დამცველის წარმომადგენელი, საბა ბრაჭველი გორის ჰოსპიტალში ყოფილ პრეზიდენტთან, მიხეილ სააკაშვილთან არ შეუშვეს. მისი თმით, ადგილზე იყო ექიმი თენგიზ წულაძე, რომელიც ასევე არ შეუშვეს.

საბა ბრაჭვალის განცხადებით, მას სურდა გასცნობოდა სააკაშვილის ჯანმრთელობის მდგომარეობას და შეხვედროდა მკურნალ ექიმს, ნინო გოგორიშვილს. მისი თქმით, ამაზე მიიღეს პასუხი, რომ გოგორიშვილს ჯანმრთელობის პრობლემები ჰქონდა.

"კომუნიკაცია გვქონდა ადმინისტრაციის ხელმძღვანელთან, თუმცა ბოლოს, როგორც მან შემოგვითვალა, დაცვის თანამშრომლის მეშვეობით. გადაწყვეტილება იქნა მიღებული იმის შესახებ, რომ ჩვენ არ მოგვეცა შესაძლებლობა, რომ შევიდეთ ჰოსპიტალში.

თავდაპირველად გვინდოდა, რომ შევხვედროდით მკურნალ ექიმს და გავცნობოდით დოკუმენტაციას, ამაზეც გვეთქვა მოტივი, იმ მოტივით, რომ მკურნალ ექიმს აქვს ჯანმრთელობის პრობლემები, ვითხოვეთ ამ შემთხვევაში მორიგე ექიმთან შეხვედრა, თუმცა მორიგე ექიმთანაც არ შეგვახვედრეს", — თქვა მან.

სახალხო დამცველის წარმომადგენელმა აღნიშნა, რომ მისი არშეშვება არის კანონის დარღვევა, რადგან ომბუდსმენს და მის წარმომადგენლებს ნებისმიერ დროს შეუძლიათ შევიდნენ პატიმართან დახურულ სივრცეში.

დღეს, 28 დეკემბერს გორის ჰოსპიტალში სააკაშვილის მკურნალი ექიმმა, ნინო გოგორიშვილმა ექსპრეზიდენტის ადვოკატი, ნიკა გვარამია შეცდომაში შეყვანაში დაადანაშაულა. ნიკა გვარამიამ დღეს წაიკითხა ოქმი, სადაც, მისი თქმით, ექიმი, ნინო გოგორიშვილი საუბრობს, თუ რა მოხდა გუშინ, 27 დეკემბერს, როდესაც სააკაშვილს გადაყვანის შესახებ აცნობეს.

ექიმი ამბობს, რომ ოქმის შედგენისას გვარამიამ შეცდომაში შეიყვანა, გვარამია კი კამერების ჩანაწერების ამოღებას ითხოვს.

27 დეკემბერს, მთელი საღამოს განმავლობაში ვრცელდებოდა ინფორმაცია გორის სამხედრო ჰოსპიტლიდან მიხეილ სააკაშვილის შესაძლო გადაყვანის შესახებ. თუმცა ამის შესახებ ინფორმირებულები არ იყვნენ სააკაშვილის ადვოკატები და ოჯახის წევრები.

მოგვიანებით სახალხო დამცველის წარმომადგენელი ანა ჯანიაშვილი გორის ჰოსპიტალში მივიდა. მისი განცხადებით, სააკაშვილმა უთხრა, რომ რუსთავის ციხეში მის გადაყვანას, რა დროსაც გონება დაკარგა. ჯანიაშვილის თქმით, ამ შემთხვევას სახალხო დამცველი შეისწავლის.

სააკაშვილის გადაყვანაზე ინფორმაცია უწყებამ მხოლოდ დღეს დაადასტურა. როგორც 28 დეკემბერს პენიტენციურმა სამსახურმა თქვა, რომ გორის სამხედრო ჰოსპიტალმა სააკაშვილი გაწერა, თუმცა გადაყვანა დროებით გადაიდო.