ნაციონალური მოძრაობის წევრ ხატია დეკანოიძეს ორი ყოფილი პრეზიდენტის გიორგი მარგველაშვილისა და მიხეილ სააკაშვილის შეხვედრა ძალიან მცირე, მაგრამ დემოკრატიისთვის მნიშვნელოვან ნაბიჯად მიაჩნია. დეკანოიძის თქმით, მარგველაშვილის რიტორიკა არის ძალიან სწორი და იზიარებს იმ ფორმულირებას, რაზეც მან ისაუბრა.

"გიორგი მარგველაშვილის რიტორიკა არის ძალიან სწორი. ზუსტად ვიზიარებ იმ ფორმულირებას, რაზეც მან ისაუბრა. მომწონს, რომ ზომიერება მის ყველა გზავნილში დაცულია, მაგრამ ასევე ზუსტად გრძნობს მწვავე რეალობას. ჩემი სრული მხარდაჭერა მას, თუ ამ დიდ პროცესში მცირე გარღვევას მაინც მოიტანს", — წერს დეკანოიძე Facebook-ში.

საქართველოს მე-4 პრეზიდენტის, გიორგი მარგველაშვილის შეფასებით, მე-3 პრეზიდენტი, მიხეილ სააკაშვილი "პუტინის პატიმარია". მარგველაშვილმა სააკაშვილი გორის სამხედრო ჰოსპიტალში მოინახულა და განაცხადა, რომ "უაღრესად პროდუქტიული შეხვედრა" იყო.

ასევე, მისი შეფასებით პოლიტიკურად მოტივირებულ საქმეებზე მორატორიუმი უნდა გამოცხადდეს. მარგველაშვილის თქმით, გულისხმობს საქმეებს, რომლებიც საზოგადოების დიდი ნაწილის მიერ პოლიტიკურად მოტივირებულად მიიჩნევა.

გაიგე მეტი: