ისნის რაიონის გამგებლის, ნიკოლოზ ელისაშვილის განცხადებით, ვაზისუბანში აფეთქების შედეგად დაზიანებული კორპუსი საცხოვრებლად ვარგისია.

"კორპუსს არ აღენიშნება რაიმე სერიოზული პრობლემა, არის პირველი კატეგორიის დაზიანება, რაც ნიშნავს პირდაპირ, რომ საცხოვრებლად კორპუსი ვარგისია", — ამბობს გამგებელი.

ვაზისუბნის დასახლებაში აფეთქების შესახებ ინფორმაცია 19 დეკემბერს, დაახლოებით 22:00 საათზე გავრცელდა. საგანგებო სიტუაციების სამსახურის წარმომადგენლის განცხადებით, აფეთქება გაზის დაგროვების შედეგად მოხდა.