ტორნადოების სერიას აშშ-ში ათეულობით ადამიანის გარდაცვალება მოყვა, არიან დაკარგულებიც. დაღუპულთა ზუსტი რაოდენობა ამ დროისთვის უცნობია, საუბარია 100-ზე მეტ ადამიანზე.

CNN-ის ინფორმაციით, 30-მა ტორნადომ ცენტრალური და სამხრეთ აშშ დააზიანა და 6 შტატს გადაუარა. როგორც Reuters წერს, ტორნადომ დაახლოებით 200 მილის ტერიტორია დაფარა.

ამერიკის ხმის ინფორმაციით, კენტუკის გუბერნატორმა განაცხადა, რომ მხოლოდ მათთან 70-დან 100-მდე ადამიანია დაღუპული. მისივე თქმით, ეს ყველაზე გამანადგურებელი ტორნადოა, რაც ამ შტატში მომხდარა.

ფოტო: GETTY IMAGES

ფოტო: ichael Gordon/Storm Chasing Video via REUTERS

აშშ-ის პრეზიდენტმა, ჯო ბაიდენმა კენტუკის შტატში საგანგებო მდგომარეობა გამოაცხადა და ფედერალური რესურსების გამოყენების ბრძანება გასცა. ის ესაუბრა სხვა დაშავებული შტატების გუბერნატორებსაც და განაცხადა, რომ ყველაფერს გააკეებენ მათ დასახმარებლად.

ფოტო: REUTERS/Cheney Orr

ფოტო: REUTERS/Cheney Orr TPX IMAGES OF THE DAY

ტორნადომ სრულად დაანგრია სანთლის ქარხანა მეიფილდში, სადაც 110 ადამიანი იმყოფებოდა. 40 მათგანი ნანგრევებიდან ცოცხალი გამოიყვანეს. კენტუკის გუბერნატორის განცხადებით, სასწაული იქნება, თუ სხვა ნანგრევების ქვეშ სხვა გადარჩენილებსაც იპოვიან.

ფოტო: Brett Adair/LSM

ამავე შტატში, ტორნადომ სატვირთო მატარებელი გადააბრუნა. ერთი ვაგონი საცხოვრებელ სახლზე დაეცა, თუმცა შემთხვევის შედეგად არავინ დაშავებულა.

ფოტო: REUTERS/Cheney Orr

ფოტო: Cheney Orr/Reuters

ილინოისის გუბერნატორის განცხადებით, ტორნადომ დაშალა ამაზონის ქარხანაც, სადაც 6 ადამიანი გარდაიცვალა. როგორც BBC წერს, პოლიციას ამ დრომდე არ აქვს ინფორმაცია, რამდენი დასაქმებული მიიჩნევა დაკარგულად. კომპანიის დამფუძნებელმა, ჯეფ ბეზოსმა განაცხადა, რომ მომხდარს განიცდის და საზოგადოებას მხარდაჭერას დაჰპირდა.

ფოტო: Jeff Roberson/AP

გარდა ამისა, დანგრეული ან დაზიანებულია ათეულობით სახლი, მანქანა და ელექტროგადამცემი ხაზები. გავრცელებულ ფოტოებში ჩანს, რომ მაშველები და ადგილობრივები ნანგრევებიდან ოჯახის წევრების და ცხოველების გამოყვანას ცდილობენ და საჭირო ნივთები გამოაქვთ.

ფოტო: Matt Stone/Courier-Journal/USA Today Network

ფოტო: Mark Humphrey/AP