დოკუმენტურ სერიებში, სახელად Secrets of Playboy, რომელიც ტელეეკრანებზე მალე გამოვა, პლეიბოის დამფუძნებელ ჰიუ ჰეფნერთან სექსუალური ურთიერთობებისა და საშინელი გამოცდილების შესახებ ის ყოფილი მოდელები მოგვიყვებიან, რომლებიც მასთან ერთად პლეიბოის სასახლეში ცხოვრობდნენ.

ქალებს შორის ერთ-ერთი ჰოლი მედისონია, რომელიც 2001 წლის აგვისტოში 21 წლის ასაკში პლეიბოის სასახლეში მიიწვიეს და მალევე 75 წლის ჰიუ ჰენერთან დაიწყო ურთიერთობა. წყვილი 2008 წელს დაშორდა, ხოლო მედისონმა ურთიერთობის დახასიათებისას თქვა, რომ ეს სტოკჰოლმის სინდრომს ძალიან ჰგავდა.

ჰეფნერი 2017 წელს 91 წლის ასაკში გარდაიცვალა, მანამდე კი ცნობილი იყო, რომ პლეიბოის სასახლეში ბევრ ახალგაზრდა ქალთან ჰქონდა სექსუალური ურთიერთობა და მისი "მთავარი შეყვარებულის" სტატუსის მქონე ადამიანიც ძალიან ხშირად იცვლებოდა.

ჰეფნერის სხვა ახალგაზრდა სექსუალური პარტნიორების მსგავსად, მედისონთან ურთიერთობა 54-წლიანის სხვაობის გამო დიდი კრიტიკის საგანი იყო. თუმცა ეს ურთიერთობა არც მედისონისთვის იყო მარტივი, რადგან გარეგნობასთან დაკავშირებით ჰეფნერისგან უხეშ კომენტარებს ხშირად იღებდა.

ფოტო: Getty Images

მედისონი იხსენებს, რომ სურდა, პლეიბოის სხვა მოდელებისგან განსხვავებული ყოფილიყო და ერთხელ თმა შეიჭრა. შინ დაბრუნებულს კი ჰეფნერმა უყვირა და უთხრა, რომ ის ძალიან მოხუც და იაფფასიან ქალს ჰგავდა. ამ ფაქტსა და სხვა შემთხვევებს, როცა ჰეფნერი მედისონისა და სხვა პარტნიორების მიმართ უხეში იყო, ბევრი მოწმე ჰყავს.

ფოტო: Getty Image

მედისონი ბოლო პერიოდში პლეიბოიში მუშაობით გამოწვეული მენტალური პრობლემების შესახებ ალაპარაკდა და ამას თავის მემუარებშიც, სახელად Down the Rabbit Hole, განიხილავს. თავის ემოციურ წიგნში მედისონი იხსენებს, რომ პლეიბოის სასახლეში ცხოვრებისას გარესამყაროს მოწყვეტილი იყო, ხოლო როცა ჰეფნერმა აიძულა სახლი დაეტოვებინა, არც სხვა მოდელების ნახვა შეეძლო.

ფოტო: Getty Images

ჰეფნერი მის გარეგნობას მუდმივად აკრიტიკებდა და როცა მედისონს დეპრესია დაეწყო, პლეიბოის დამფუძნებელი თერაპევტის ნახვის უფლებასაც არ აძლევდა, რის გამოც მოდელი თვითმკვლელობაზე ხშირად ფიქრობდა.

ჰეფნერის კიდევ ერთი ყოფილი შეყვარებული სონდრა თეოდორი დოკუმენტურ ფილმში ნარკოტიკების მოხმარებაზე საუბრობს. იმის მიუხედავად, რომ ჰეფნერი მუდამ უარყოფდა მოდელების მიერ ნარკოტიკის მიღების ფაქტს, სონდრას თქმით, ეს სიმართლე სულაც არ იყო.

ფოტო: Getty Images

"ნარკოტიკი ცდუნების საუკეთესო საშუალებაა და ეს კაცებმა კარგად იცოდნენ. თუ ისინი მოდელებს ნარკოტიკს მიაღებინებდნენ, შეეძლოთ, მათთვის ნებისმიერი რამის გაკეთება მოეთხოვათ, რაც მათ სურდათ", — ამბობს სონდრა. მედისონიც ადასტურებს ნარკოტიკების მიღების ფაქტებს და ამბობს, რომ მათი ზემოქმედების ქვეშ გოგოები ორგიებში ხშირად იღებდნენ მონაწილეობას.

Secrets of Playboy-ის პრემიერა იანვარში იგეგმება, მანამდე კი შეგიძლიათ მოკლე ნაწყვეტი ნახოთ:

ასევე იხილეთ: