პარტია დროას ლიდერის, ელენე ხოშტარიას განცხადებით, შიმშილობის პერიოდში, როდესაც ის ქართული ოცნების წარმომადგენლებმა მოინახულეს, მათი საუბარი იყო ხიდების გადება.

"შეიძლება, ეს მოსაწონი არ იყოს ოპოზიციური ამომრჩევლისთვის, მაგრამ მინდა აუცილებლად მაინც ვთქვა. როდესაც მე ვმშიმშილობდი, ჩემთან არაერთი "ოცნების" წარმომადგენელი მოვიდა, მათ შორის კობახიძეც, მე მინდა გითხრათ, რომ ჩვენი საუბარი იმ მომენტში იყო ხიდების გადება და არა ერთმანეთის ლანძღვა და ეს იყო ძალიან მნიშვნელოვანი წამები, შეიძლება წუთები", — განაცხადა მან TV პირველის ეთერში.

ელენე ხოშტარიამ მიხეილ სააკაშვილის მრავალპროფილურ კლინიკაში გადაყვანის მოთხოვნით პარლამენტში 17 დღე იშიმშილა, რა დროსაც ის ქართული ოცნების რამდენიმე წარმომადგენელმა ინახულა.