ტყიბულში მიწის მასის ქვეშ მოყოლილი ვიტალი ტურძილაძე ქუთაისის რეფერალურ საავადმყოფოში გარდაიცვალა. ექიმები მისი ჯანმრთელობის მდგომარეობას გუშინ, 28 ნოემბერს უკიდურესად მძიმედ აფასებდნენ. მას შინაგანი ორგანოები ჰქონდა დაზიანებული.

27 ნოემბერს, ტყიბულში, ქვანახშირის კერძო მოპოვების კარიერში მიწის მასა ჩამოიშალა. ტყიბულის მერის, დავით ჩერქეზიშვილის განცხადებით, უბედური შემთხვევა მაშინ მოხდა, როდესაც მოქალაქეები ნახშირს უნებართვოდ, ღია კარიერის წესით მოიპოვებდნენ.

მიწის მასაში მოყოლილი ორი ადამიანიდან ერთ-ერთი ადგილზე გარდაცვლილი იპოვეს.