ჯანდაცვის მინისტრის მოადგილის, თამარ გაბუნიას განცხადებით, დღეს პირბადის გამოყენების მაჩვენებელი 28%-ია. მისივე თქმით, მობილობა ჩვეულებრივთან შედარებით კიდევ 2%-ითაა გაზრდილი, რაც პირდაპირ კვებავს ეპიდემიას.

"დღეს პირბადის გამოყენების მაჩვენებელი არის 28%, მობილობა ჩვეულებრივთან შედარებით გაზრდილია კიდევ 2%-ით, რაც პირდაპირ კვებავს ეპიდემიას. ამ შემთხვევაში მხოლოდ ჯანდაცვის სისტემის მზაობა ბუნებრივია სრული კონტროლის შესაძლებლობას ვერ მოგვცემს, მაგრამ ისევ უნდა დავუბრუნდეთ იმას, რომ ის ზომები, რაც ჩვენთვის ცნობილია რაღაცნაირად საზოგადოებრივი ძალისხმევით აღსრულდეს და დავუბრუნდეთ ჩვეულებრივ კონტროლირებად სიტუაციას", — განაცხადა გაბუნიამ.

24 ნოემბრის მონაცემებით, საქართველოში კორონავირუსის 3 201 ახალი შემთხვევა დადასტურდა, გამოჯანმრთელდა — 4 098, ხოლო გარდაიცვალა — 64 ადამიანი.