თუ ფიქრობთ, რომ შობა და ახალი წელი ისედაც მერაია ქერის პირად დღესასწაულადაა გადაქცეული, ან კიდევ სახლებში, მარკეტებში, მანქანებსა და ქუჩებში All I Want for Christmas Is You-ს მოსმენა არ გყოფნით, მაშინ ბოლო წლების საახალწლო განწყობის სულისჩამდგმელს თქვენთვის სიურპრიზი აქვს.

"არ შემიძლია, რომ შობა მსოფლიოსთან ერთად არ აღვნიშნო", — ამბობს მერაია თავისი საახალწლო შოუს Mariah’s Christmas: The Magic Continues-ის ტრეილერში, რომელიც Apple TV-მ მოამზადა.

მერაიას Apple TV-ზე საახალწლო შოუ შარშანაც ჰქონდა და მომღერალი ტრადიციას ისევ აგრძელებს. ამ წლის საახალწლო შოუში მომღერალ კირკ ფრანკლინს, პოპ ვარსკვლავ ხალიდს და მერაიას შვილებს, მაროკოსა და მონროს, ვიხილავთ.

შოუში შესაძლებლობა გვექნება მერაიას ახალი სიმღერა Fall in Love at Christmas მოვისმინოთ, რომელსაც ის ფრანკლინთან და ხალიდთან ერთად ასრულებს. ასევე Christmas (Baby Please Come Home)-ის განახლებული შესრულებაც წინ გველის და რა თქმა უნდა, მერაია შოუს თავისი საფირმო სიმღერით All I Want for Christmas Is You გახსნის.

Mariah’s Christmas: The Magic Continues-ის ნახვა 3 დეკემბრიდან შეგვეძლება.

ასევე იხილეთ: