სამეზობლო პოლიტიკისა და გაფართოების საკითხებში ევროკომისრის, ოლივერ ვარჰეის განცხადებით, დღეს კოვიდსერტიფიკატებთან დაკავშირებით გადაწყვეტილებას მიიღებენ. მისი თქმით, მათ შორის, ეს შეეხება საქართველოს.

"მაქვს კარგი ამბავი, რომელიც კორონავირუსთან ბრძოლას შეეხება. დღეს ჩვენ გვექნება ეკვივალენტური გადაწყვეტილება კოვიდსერტიფიკატებთან დაკავშირებით მოლდოვას, საქართველოსა და სერბეთისთვის. რაც იმას ნიშნავს, რომ უფრო მარტივი იქნება ამ მოქალაქეებისთვის მოგზაურობა", — განაცხადა მან.

ეს გადაწყვეტილება, სავარაუდოდ, გულისხმობს, რომ საქართველოში მოქმედი კოვიდპასპორტის მექანიზმი ევროკავშირის ქვეყნებში მოგზაურობისთვისაც იქნება აღიარებული.

საქართველოში მწვანე პასპორტები პირველი დეკემბრიდან ამოქმედდება. საკოორდინაციო საბჭოს გადაწყვეტილებით, დეკემბრიდან მოქალაქეები კონკრეტულ დაწესებულებებში მწვანე პასპორტების გარეშე ვეღარ შევლენ, თუმცა ეს გავრცელდება დაწესებულებების სტუმრებზე და არა იქ მომუშავე პერსონალზე.

გაიგეთ მეტი: