ევროპაში აშშ-ის სამხედრო ძალების ყოფილმა ხელმძღვანელმა, ბენ ჰოჯესმა ტვიტერზე დევიდ კრამერის სტატია გააზიარა იმას, რომ პრემირმინისტრ ირაკლი ღარიბაშვილს და ქართული ოცნების დამფუძნებელ ბიძინა ივანიშვილს დასავლეთმა სანქციები უნდა დაუწესოს და დაწერა, რომ ის კრამერს სრულიად ეთანხმება.

"შესანიშნავი ნამუშევარი დევიდ კრამერისგან, გამორჩეული ამერიკელი დიპლომატისგან, რომელსაც უყვარს საქართველო და სძულს ის, რასაც ახლა იქ ხედავს. მე სრულიად ვეთანხმები მას", — წერს ჰოჯესი.

ამერიკის შეერთებული შტატების სახელმწიფო დეპარტამენტის ყოფილი მაღალჩინოსნის, დევიდ კრამერის განცხადებით, პრემირმინისტრ ირაკლი ღარიბაშვილს და ქართული ოცნების დამფუძნებელ ბიძინა ივანიშვილს დასავლეთმა სანქციები უნდა დაუწესოს. The Bulwark-ზე გამოქვეყნებულ სტატიაში ის, ასევე, წერს, რომ ხელისუფლების აშკარა სიხარული ქვეყნის ყოფილი პრეზიდენტის მიმართ ძალადობაზე დასავლეთის მხრიდან უფრო სერიოზულ პასუხს იმსახურებს.