დაკავებულ ერთ-ერთ აქტივისტს გარკვეული დაზიანებები ჰქონდა — სახალხო დამცველი
![](http://joey.on.ge/2021/11/10/13_618c0dcda9801.jpg)
ფოტო: მარიამ ქავთარაძე/On.ge
სახალხო დამცველის განცხადებით, დღეს გამართულ აქციებზე დაკავებულებიდან ერთ მათგანს გარკვეული დაზიანებები ჰქონდა, რის შესახებაც სახელმწიფო ინსპექტორის სამსახური ინფორმირებულია.
"დაკავებულები მიუთითებენ დაკავების უსაფუძვლობაზე, თუმცა არაფერი უთქვამთ პოლიციის მხრიდან ფიზიკური ძალადობის/ძალის გადამეტების ფაქტებზე. დაკავებულთაგან მხოლოდ ერთ პირს ჰქონდა გარკვეული დაზიანებები, რის შესახებაც უკვე ინფორმირებულია სახელმწიფო ინსპექტორის სამსახური", — აღნიშნულია ომბუდსმენის განცხადებაში.
შინაგან საქმეთა სამინისტროს ინფორმაციით, დღეს გამართულ აქციებზე პოლიციამ ჯამში 46 ადამიანი დააკავა.
ყოფილი პრეზიდენტის მიხეილ სააკაშვილის სამოქალაქო კლინიკაში გადაყვანის მოთხოვნით 3 სხვადასხვა ადგილას აქცია გაიმართა. აქტივისტები ჯანდაცვისა და იუსტიციის სამინისტროებთან, ასევე, სახელმწიფო უსაფრთხოების სამსახურის შენობასთან შეიკრიბნენ.
ნაციონალური მოძრაობის ერთ-ერთი ლიდერის, ხატია დეკანოიძის განცხადებით, დღეს გამართულ აქციებზე დაკავებული 46 პირიდან 20 მათგანის ადგილსამყოფელი ჯერ კიდევ უცნობია.
-
-
გადახედვა
-
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
-
-
კომენტარები