ვინ დიზელი იმედოვნებს, რომ დუეინ ჯონსონი მასთან ერთად დაუბრუნდება გადასაღებ მოედანს და ფორსაჟის დარჩენილ ორ ფინალურ ფილმში მიიღებს მონაწილეობას, მიუხედავად იმისა, რომ მათ The Fate of the Furious-ის გადაღებებისას უთანხმოება ჰქონდათ.

დიზელმა ჯონსონისთვის ინსტაგრამზე დიდი ტექსტი იმ იმედით დაწერა, რომ ლუკ ჰობსს (ჯონსონის პერსონაჟს) ფორსაჟის ბოლო ნაწილში ერთგული მაყურებელი ისევ იხილავს.

"ჩემო პატარა ძმაო, დუეინ, მსოფლიო ფორსაჟის მეათე ნაწილს ელოდება. ჩემი შვილები დღემდე ბიძია დუეინს გეძახიან სახლში და ყველა დღესასწაულზე შენ მან კეთილ სურვილებს უგზავნი. წლების წინ გითხარი, რომ პაბლოსთვის (პოლ უოკერი) მიცემული პირობის შესრულებას ვაპირებ. დავიფიცე, რომ ფორსაჟს საუკეთესო ფინალი ექნება. შენ კი მნიშვნელოვანი როლი უნდა შეასრულო და ჰობსის პერსონაჟს სხვა ვერავინ ითამაშებს. იმედი მაქვს, საქმეს ერთად შევუდგებით და შენს მოვალეობას აღასრულებ", — ვკითხულობთ დიზელის პოსტში.

2019 წელს ჯონსონის გმირზე, ლუკ ჰობსზე, დამოუკიდებელი ფილმი Hobbs & Shaw გადაიღეს, რომელშიც ჯეისონ სტეტჰემიც მონაწილეობდა. რეჟისორმა ჯასტინ ლინმა Deadline-თან ინტერვიუში ჯონსონისა და სტეტჰემის ფინალურ ნაწილში დაბრუნებაზე ისაუბრა. თუმცა დიზელის პოსტზე ჯონსონს ჯერ საჯაროდ პასუხი არ გაუცია.

2020 წელს ცნობილი გახდა, რომ ფორსაჟის ფილმების სერია, რომელიც უკვე ორი ათწლეულია, გრძელდება, შემდეგი ორი ფილმით დასრულდება, რომლებიც ამ ფრენჩაიზის მეათე ფილმის ორი ნაწილი იქნება.

ასევე იხილეთ: