მოძრაობა სირცხვილიას აქტივისტის, შოთა დიღმელაშვილის თქმით, ქუთაისში ხიდზე საარჩევნო თემატიკის ბანერების გამოფენის დროს მათი აქტივისტი და სირცხვილიას ქუთაისის რეგიონალური ოფისის ხელმძღვანელი დააკავეს. მოგვიანებით, დიღმელაშვილმა ფეისბუქპოსტი განაახლა და დაწერა, რომ დაკავებულებთან ადვოკატები შეუშვეს, თუმცა ამ დრომდე დაკავების მიზეზი უცნობია. ის არ გამორიცხავს, რომ აქტივისტებს ამჯერადაც წინააღმდეგობის გაწევა დასდონ ბრალად.

"ქუთაისში ხიდზე ბანერების გადმოფენისთვის დააკავეს, თუმცა როგორც თვითმხილველები იძახიან, უფრო გატაცება ერქვა მაგას, სირცხვილიას ქუთაისის რეგიონული ოფისის ხელმძღვანელი მიშიკო მუმლაძე და აქტივისტი იმედა ონიანი. ოჯახი და ახლობლები რამდენიმე საათი ეძებდნენ და ბოლოს გაირკვა, რომ სამტრედიაში წაუყვანიათ", — წერს დიღმელაშვილი.