როგორც ჩანს, დრაკო მალფოიმ ცოტა ხნით სლიზერინი დაივიწყა და გრიფინდორის საერთო საცხოვრებელში შესაპარად საინტერესო ხერხს მიმართა: ამპარტავანი დრაკო წლევანდელ ჰელოუინზე ჰარი პოტერის ფორმით გამოგვეცხადა!

ტომ ფელტონმა ახალი ფოტო საკუთარ ინსტაგრამზე დადო. ფოტოში გრიფინდორის ჰალსტუხი და ჰარის საფირმო სათვალე უკეთია. ტომს არც ჰარის ელვის ფორმის ნაიარევი გამორჩენია, თუმცა ბუს ნაცვლად, ცუგასთან ერთად იპოზიორა, რომელსაც გრიფინდორის ფუმფულა შარფი ამშვენებს.

თუმცა იმის დასამტკიცებლად, რომ სლიზერინს არ ღალატობს, მალე ვიდეოც დადო, რომელშიც მისი ცუგა გრიფინდორის შარფის მოხსნას ცდილობს.

შეგახსენებთ, რომ რამდენიმე კვირის წინ ტომ ფელტონი გოლფის თამაშისას მოულოდნელად შეუძლოდ გახდა, რის გამოც კლინიკაში გადაიყვანეს. ამან ჰარი პოტერის სამყაროს გულშემატკივრები განსაკუთრებით ააღელვა. საბედნიეროდ, რამდენიმე დღეში ტომმა ყველა დაგვამშვიდა და გვითხრა, რომ თავს უკეთ გრძნობს, რასაც ჰელოუინის ფოტოც მოწმობს.

საინტერესოა, ჰელოუინის ფოტოზე დრაკოს მამა, ლუციუს მალფოი რა აზრისაა!

ამავე თემაზე: